VEDTEKTER
1. EIGARTILHØVE
Osterøy Gårds & Friluftsbarnehage A/S vert
driven som eit aksjeselskap, eigd av Tommy Lohne og Eli Hovden Raknes.
Barnehagen er godkjent for barn i alderen 1 - 6 år.
2. LOVVERK
Barnehagen vert driven i samsvar med Lov om
barnehagar, gjeldande forskrifter og retningsliner, samt planar for barnehagen.
3. FØREMÅL
Barnehagen skal vera ei
pedagogisk tilrettelagt verksemd.
§ 1. Lov om barnehagar:
Barnehagen
skal i samarbeid og forståelse med hjemmet ivareta barnas behov for omsorg og
lek, og fremme læring og danning som grunnlag for allsidig utvikling. Barnehagen skal bygge på grunnleggende verdier i
kristen og humanistisk arv og tradisjon, slik som respekt for menneskeverdet og
naturen, på åndsfrihet, nestekjærlighet, tilgivelse, likeverd og solidaritet,
verdier som kommer til uttrykk i ulike religioner og livssyn og som er
forankret i menneskerettighetene.
4. SAMARBEIDSUTVALET
(SU)
Barnehagen skal ha eit samarbeidsutval, jfr. § 4 i
Lov om barnehagar. SU er sett saman slik:
Foreldre/føresette vel
to representantar, tilsette vel ein representant, og eigarane ein representant.
Dagleg leiar/styrar
har møte og talerett i SU.
5. FORELDRERÅD
Barnehagen skal ha eit
foreldreråd, jfr. § 4 i Lov om barnehagar.
Forskriftene
seier korleis foreldrerådet skal setjast saman og kva oppgåver det har.
Foreldrerepresentantane i SU utgjer arbeidsutvalet (FAU) i foreldrerådet.
6. TEIEPLIKT
Alle som gjennom sitt arbeid med barnehagen, td.
eigarar, tilsette, utvals- og rådsmedlemar, har teieplikt. Jfr. Lov om
barnehagar § 20, og Forvaltningslova § 13 og § 13 a-f.
7. INNTAK I BARNEHAGEN
Barnehagen er
med i samordna hovudopptak i Osterøy kommune. Søknad til hovudopptak skjer innan
fastsett dato, elektronisk via Osterøy kommune sine heimesider. Det kan søkjast plass gjennom heile året, og tildelast plass ved ledig kapasistet.
Barnet har plassen fram til skulestart, eller til plassen
vert sagt opp.
Inntakskriterium:
- Barn med nedsett funksjonsevne jfr.§ 13 Lov om bhg.
- Barn som det er fatta vedtak om etter Lov om
barneverntenester jfr. Lov om barnehagar §13.
- Søsken av barn som går i barnehagen skal
prioriterast dersom andre kriterium er like.
- Barn som har rett til barnehageplass.
- Opptaksområde er Osterøy kommune med omland.
8. OPPSEIING/ REDUKSJON AV PLASS
Når eit barn har fått tildelt plass i barnehagen,
har det plass til det byrjar på skulen, eller til plassen vert sagt opp.
Oppseiing/reduksjon av plass i barnehagen skal vera
skriftleg. Oppseiingstida er 2 månader, rekna frå den 1. i kvar månad.
Sluttdato kan ikkje vera i tidsrommet 1.juni - 1.
august.
Oppseiing som skjer etter 1.april vert ikkje rekna
som gjeldande før 1. august, og plassen må betalast fram til denne datoen.
Ved ny plass: Dersom ein seier opp plassen etter 15. mai, må
ein betala for heile august.
9. OPNINGSTIDER
Barnehagen er open heile året. Opningstida er frå
kl. 07.00 - 17.00. Kortare opningstid kan avtalast for kortare eller lengre periodar dersom behovet endrar seg, etter vedtak i SU.
Barna skal ha minst 3 veker samanhengande ferie kvart år. Barnehagen er feriestengt dei tre siste vekene i juli 2024. Barnehagen har 6 planleggingsdagar, då er barnehagen stengt.
Barnehagen er
stengt julaftan, nyttårsaftan og onsdag før
skjærtorsdag.
Dersom det er for få påmelde i feriar eller delar av
feriar, kan barnehagen stengja. Dersom dette vert aktuelt, skal
foreldre/føresette få vita om det snarast råd. Juli er betalingsfri månad.
10. FORELDREBETALING
Foreldrebetaling følgjer maksprisen som vert fastsett av styresmaktene. Matpengar kjem i tillegg.
Barnehagen nyttar normalt avtalegiro, og beløpet
vert trekt forskotsvis den 15. i kvar månad. Skal det nyttast annan
betalingsmåte, må dette avtalast i kvart enkelt tilfelle.
Etter 2 - to - veker vert det purra første gang.
For skriftleg purring vert det lagt til purregebyr.
Rente ved forseinka innbetaling er 12 % jfr. "Lov om forseinka
betaling" av 17.12.76. og "Lov om inkasso" av 13.08.88. nr. 26
med forskrift.
Dersom foreldra ikkje klarer å betala skal det lagast ein nedbetalingsordning mellom foreldra og barnehagen. Foreldre kan kontakta styrar eller eigar om dette på eige initiativ.
Søskenmoderasjon
og andre moderasjonsordningar
Det vert gjeve søskenmoderasjon jfr. Forskrift om
foreldrebetaling, 2005-12-16 nr. 1478, §3. Foreldra treng ikkje søkja om dette.
Andre moderasjonsordningar kan søkjast via
Osterøy kommune sine heimesider.
11. INTERNKONTROLL OG AREALUTNYTTING Barnehagen har internkontrollsystem for å dokumentera helse, miljø og tryggleik.
Barnehagen sine krav til leikeareal er sett til 5,3
m2 for barn under 3 år og 4,0 m2 for barn over 3 år. For friluftsgruppa er
arealet sett til 3,5 m2 per barn. Miljøretta helsevern i Bergen kommune er tilsynsorgan for internkontroll og HMT.
12. DUGNAD
Foreldre som har barn i barnehagen skal yta ein
dugnad pr. barnehageår.
13. SJUKDOM
Sjuke barn skal haldast heime frå barnehagen.
Personalet har til ei kvar tid gjennom dagen mynde til å vurdera om barnet sin
tilstand tilseier at det må hentast heim.
14. EIGAR
SITT MYNDE OG PLIKTER
Eigar og styrar/dagleg leiar står for tilsetjing av
personale, og utarbeidar stillingsinstruks for dei.
Opptak av nye barn skjer via Osterøy
kommune sitt opptakssystem Vigilo. Hovudopptaket er i mars, men ein kan søkja heile året. jfr. Lov om barnehagar, § 7a. Styrar tar seg
av prioritering og opptak, i samarbeid med eigar. Eigar fører økonomien og er
økonomisk ansvarleg.
Vedtektene er oppdatert 23.10.2023
|